આ લોકમાં ડાહ્યો તો કોઇ પ્રભુ ભજતો નથી, ને જે ગાંડો થાય તે ભજે છે. ૧૨૬ read more

અને બાજરો ખાવો ને પ્રભુ ભજવા, બીજું કાંઇ કરવું નથી. ને રોટલા તો ભગવાનને દેવા છે તે દેશે દેશે ને દેશે. ૧૨૭ read more

અને ધર્મશાળાના કામમાં માણસે બહુ દાખડો કર્યો. તે અમે બહુ રાજી થઇ રહ્યા. ને આવા સાધુનું દર્શન તો પંચ મહાપાપને પણ બાળી નાખે એવું છે, પણ એવો મહિમા નથી, ને એવો મહિમા હોય તો અંતરમાંથી આનંદના ફુવારા છૂટે છે ને આતે કાંઇ વાતું છે ! આ તો અક્ષરધામની વાતું છે, પણ સાંખ્‍ય વિના કસર રહી જાય ને સાંખ્‍યવાળાને તો આ લોક નરક જેવું લાગે છે, પણ કયાય માલ મનાય નહિ. ને આ કારખાનું તો ધૂળનું છે માટે તેમાં માલ માનવો નહિ. ૧૨૮ read more

ભગવાનમાં ને સાધુમાં હેત રહેશે તેના ઉપર સહુહેત કરશે, ને એથી પ્રતિકૂળ રહેશે તેને સહુ પ્રતિકૂળ થાશે, એ વાત સમજી રાખવી, એમાં તો કોઇ સંશય નથી. ૧૨૯ read more

દુ:ખ કોઇ માનશો નહિ, ને જે જોઇએ તે આપણને મળ્‍યું છે, ને ઝાઝા રુપિયા અપે તો પ્રભુ ભજાય નહિ, તે સારુઆપતા નથી. ૧૩૦ read more

મહાપ્રલયના અગ્‍નિમાં પણ વાસના બળી નહિ, તે વાસના તો કારણ શરીર રુપ જે માયા છે. તેને ટાળવાનું કારણ એકતો ભગવાનની ઉપાસના ને બીજી આજ્ઞા છે. તે શિક્ષાપત્રીમાં કહ્યું છે: જે, નિજાત્‍માનમ્ બ્રહ્મરુપં એમ માનવું, ને એ આજ્ઞા છે તે એ વચનમાં મહારાજે સહુને એકાંતિક કરી મૂકયા. ૧૩૧ read more

અને દુર્લભમાં દુર્લભ સત્‍સંગ અને દુર્લભમાં દુર્લભ એકાંતિકપણું ને દુર્લભમાં દુર્લભ ભગવાન એ ત્રણ વાત આપણને મળી રહી છે. ને સૂકાઇ જાઓ, અન્ન મૂકી દ્યો, વનમાં જાઓ ને ઘર મૂકી દ્યો, તે કરતાં પણ આ વાતુ સાંભળવી તે અધિક છે ને આ વાતુ પુરુષોત્તમનાં વચન છે ને ગુણાતીત છે, ને આ વાતુમાંથી તો અક્ષરધામ દેખાય છે. તે ભગવાન અક્ષરધામ ને મુકત ને લઇને એવા ને એવા જ આહીં આવ્‍યા છે. તેમાં ફેર ન સમજવો, ને મહિમા સમજાતો નથી તેથી જીવ દૂબળો રહે છે. ૧૩૨ read more

એક દિવસે રાજ દેવાય, પણ વિદ્યા ન દેવાય. ને રાજાનો કુંવર હોય તેને ગમે તેટલું ખવરાવે તો પણ એક દિવસે મોટો ન થાય, એ તો ધીરે ધીરે મોટો થાય. તેમ જ્ઞાન પણ સંગે કરીને ધીરે ધીરે થાય છે. ૧૩૩ read more