અને જૂનાગઢના જમાન મહારાજ બે વાર થયા છે. એક વાર વરતાલમાં ને બીજીવાર ગઢડામાં એમ કહ્યું. તે ઉપર એક સંતે પૂછયું : જે જમાન થયા તે શું સમજવું ? ત્‍યારે સ્‍વામી બેલ્‍યા : જે માયાનું બંધન થાવા દે નહિ. પછી ફરીને સંતે પૂછયું : જે તે જમાનગરું કયાં સુધી રહેશે ? પછી સ્‍વામી બોલ્‍યા : જે આપણે છીએ ત્‍યાં સુધી તો ખરું, પણ હજી તો મહારાજનું જ્ઞાન છે. ને વળી મહારાજ કહે: કે ‘જૂનાગઢ જાય તેની કરોડ જન્‍મની કસર ટાળી નાખશું’ અને અમે ગઢડેથી આવ્‍યા ત્‍યારે એ ભાતું બંધાવ્‍યું હતું. ૨૭૧ read more

અને મુંઝવણ આવે તો કેમ કરવું ? એ પશ્ન પૂછયું, તેનો ઉત્તર કર્યો : જે સ્‍વામિનારાયણ સ્‍વામિનારાયણ ભજન કરવું તેથી મુંઝવણ ટળી જાય. ૨૭૨ read more

ઝીણાભાઇએ મહારાજ પાસે જૂનાગઢમાં મંદિર કરવાનું માગ્‍યું તે પણ પોતે ઉપજાવ્‍યું હશે, તે આંહી મંદિર કર્યું ને તેમાં સાધુ પણ એવા જ રાખ્‍યા છે. તે આ મંદિરમાં ખરડો તો હજી સુધી કર્યો નથી. ૨૭૩ read more

આ લોકમા સર્વે ક્રિયા તે છોકરાંની રમત જેવું સમજવું, પણ તેમાં માલ માનવો નહિ. એમ નિરંતર જોયા કરવું. ૨૭૪ read more

અને મહારાજ કહેતા : જે ‘અમારામાં જે ગુણ ને અવગુણ છે તે કહીએ છીએ : જે અમને આખા બ્રહ્માંડના જીવ માને પણ તેનું અમને માન ન આવે, એ અમારામાં ગુણ છે. ને અમે અનેક જીવને સમાધિ કરાવીએ, પણ મુકતાનંદ સ્‍વામી ને ગોપાળાનંદ સ્‍વામીને સમાધિ કરાવીએ નહિ એ અમારામાં અવગુણ છે.’ ૨૭૫ read more

કોઇ ભગવાન સંભારે તેની સેવા મારે કરાવવી છે તેનાં લુગડાં મારે ધોવરાવવાં છે ને તેને મારે બેઠા બેઠા ખાવા દેવું છે. ૨૭૬ read more

અને કથાવાર્તા બદરિકાશ્રમ, શ્વેતદ્વીપ, અક્ષરધામ ને આ લોકમાં મોટા એકાંતિક પાસે એ ચાર ઠેકાણે થાય છે ને બીજે કયાંય થાતી નથી, ને જ્યાં વિષય છે ત્‍યાં કથા-વાર્તા નથી. ૨૭૭ read more

અને આપણે કાંઇક કામ સારું કર્યું હોય ને તેનું આપણને માન આવતું હોય, તે સારુ મોટા કહે જે આ કામ બગાડયું, તો પણ રાજી રહેવું, કેમ જે આપણને તો પૂર્વાપર સૂઝે નહિ ને મોટા તો દીર્ધદર્શી છે તે આગળ થાવાનું દેખે છે. ૨૭૮ read more