રાગ : બિલાવલ
પદ – ૧
જય શ્રીનારાયણ સર્વકારણ સદા, જય શ્રી અક્ષરપતિ અંતરજામી; જય૦ ટેક૦
જય શ્રીધર્માત્મજ પ્રગટ પુરૂષોત્તમ, જય શ્રી સહજાનંદ સુખદ સ્વામી. જય૦ ૧
રટત દશશતવદન નિગમ આગમ સદા, જયસિ ત્વં નમત સુર શીશ નામી;
જયસિ ત્વં ભજત મુનિ ભક્ત નિષ્કામ જન, જય શ્રી દાતાર કૈવલ્યધામી. જય૦ ૨
કાળ માયા પુરુષ રચત બ્રહ્માંડ બહુ, પરમ પુરુષ તવ દૃષ્ટિ પામી;
હોત પાલન પ્રલય તવ ભૃકુટિ ભંગ કરી, જય શ્રીસર્વેશ્વર અહં નમામિ. જય૦ ૩
જય શ્રીકમલાપતિ જય શ્રીનૈષ્ઠિક જતી, જ્યસિ ત્વં ભજત પુરુષ અકામી;
જ્ય શ્રી પરમેશ્વર તવ ચરણશરણમેં, આયો પ્રેમાનંદ ગરૂડગામી. જય૦ ૪
પદ – ૨
જય શ્રીમહારાજ શ્રીહરિ ધર્માત્મજ, જય શ્રીકૃષ્ણ લીલાવિહારિ જય૦ ટેક
જયસિ જુગજુગ પ્રતિ ધર્માવનાય, ધરત લીલાવપુ જય તુમારી. જય૦ ૧
જય શ્રી ધૃત મીન વરાહ કમઠાકૃતિ, જય શ્રીનરસિંહ વામન મોરારી;
જય શ્રીભૃગુકુલતિલક જયશ્રી રઘુનંદન, જયસિ શ્રીકૃષ્ણ બુધ કલકી હતારી. જય૦ ૨
જય શ્રીનારદ વ્યાસ પૃથુ હરિહંસ દત્ત, ધનવંતરી મનુ હયરૂપ ધારી,
જય શ્રી બદ્રીપતિ કપિલ સનકાદિક, જયસિ શ્રીવૈરાજ ધ્રુવ અચલ કારી. જય૦ ૩
જય શ્રી ચોવીશ ધૃતાકૃતિ માધવ, જય શ્રી હરન ભવદુઃખ ભારી;
જય શ્રી અવતારી ઘનશ્યામ તવ નામપર, જાત પ્રેમાનંદ પ્રાનવારી. જય૦ ૪
પદ – ૩
જયસિ ત્વં ઘનશ્યામ અભિરામ આનંદઘન, જયસિ કૃષ્ણ હરિ કૃષ્ણ પ્યારે; જય૦
જયસિ અક્ષરપતિ દિવ્યવિગ્રહ સદા, જયસિ ધર્માત્મજ દ્રગનતારે. જય૦ ૧
જયસિ સદા અજય અતિશુદ્ધ અમલાત્મન, જયસિ ધર્મધ્વજ દુઃખહારે;
જયસિ અશરણશરણ શરણાગતવત્સલ, જયસિ મહારાજ જીવન હમારે. જય૦ ૨
જયસિ નિરંજન રમન શમન ત્રયતાપતન, દમન દ્રપમાર મદમોહ ભારે,
જયસિ ત્વં કરૂણાભવન દલન કલિમળ અશુભ, જયસિ સુખસદન જય જગ ઉજારે; જય૦ ૩
જયસિ ભુવિ મંડન અશુભ મતખંડન, જયસિ સદય હૃદય મંગલ કારે;
જયસિ ત્વંવરણીન્દ્રવર મહાનૈષ્ઠિક સદા, પ્રેમાનંદ નામપર પ્રાન વારે.જય૦ ૪
પદ – ૪
જયસિ રમનીય કમનીય દમનીય અરિ, જયસિ સહજાનંદ અક્ષરવાસી; જય૦ ટેક૦
ત્વમપિ મમ જીવનં ત્વમપિ મમ લોચનં, ત્વમપિ મે વાંછિત પરદદાસી. જય૦ ૧
જય શ્રીમંજુલ મૃદુલ મધુર મુખવચન વર, જયશ્રી ચિતવની ચલની મધુર હાસી,
જય શ્રીકમલાનન પદ્મદલલોચન, કરપર કમળદળ તુલ્ય આસી. જય૦ ૨
જય શ્રી સૌંદર્ય ઔદાર્ય વર સૌગુણાકર, જયસિ ત્વં સૌશીલ્ય વાત્સલ્યરાશી,
જય શ્રીકરૂણાભવન જય શ્રીકરૂણાઘન, જય શ્રી કમલારમન અવિનાશી. જય૦ ૩
ત્વમસિ ભજનીય નમનીય શમનીય દુઃખ, ત્વમસિ મમ પ્રાણપતિ સુખપ્રકાશી;
દેહિ મમ નાથ તવ ચરણ રતિ અચળ મતિ; પ્રેમાનંદ પ્રાણ કુરબાની જાશી. જય૦ ૪
