દોહા :
ભોજન બહુ રસે ભર્યા, જુગતે કરિયા જેહ ।।
આણ્યાં ચોકી ઉપરે, તાજા જમવા તેહ ।।૧।।
પાક બહુ પ્રકારના, વિધવિધના વ્યંજન ।।
પુર્યા કટોરા પ્રેમશું, જુગતે જમે જીવન ।।૨।।
ચોપાઇ ધ્રુવપદી :
મોદક મગદળ ને મોતિયા, જમતાં જોયા છે ।। લાખણસાઇ ને સેવૈયા, જમતાં જોયા છે ।।
તળીયા બળિયા માંય તેજાના,જમતાં૦ । કાજુ કળિયા મનમાન્યા,જમતાં૦ ।।૩।।
પેંડા પતાસાં ને પુરી,જમતાં૦। સુતરફેણી ને સાબુડી,જમતાં૦ ।।
શક્કરપારા સેવ સુંવાળી,જમતાં૦ । પુરી કચોરી રૂપાળી,જમતાં૦ ।।૪।।
હલવો હરિસો રસાળો,જમતાં૦ । ગેબર ગુંદરપાક રૂપાળો,જમતાં૦ ।।
ગગનગાંઠિયા ગુંદવડી,જમતાં૦ । ગળાસાટા ગળપાપડી,જમતાં૦ ।।૫।।
શીરો સાથુ સાકર ચણા,જમતાં૦ । મુરકી મુરબો મેસુબ ઘણા,જમતા૦ ।।
માલપુડા સાકરતણા,જમતાં૦ । બરફી બીરંજ એલચીદાણા,જમતાં૦ ।।૬।।
બાટી બાજરા ઘઉંની,જમતાં૦ । ઘણા ઘીમાં બોળી ઉની,જમતાં૦ ।।
ખાજાં ખીર ખુરમા ગોળા,જમતાં૦ । દુધપાક દહીંથરાં બોજાળા,જમતાં૦ ।।૭।।
માખણ મહી દહીંવડાં,જમતાં૦ । ચુરમું લાપસી બે રુડાં,જમતાં૦ ।।
કંસાર બાસંુદિયો ભલી,જમતાં૦ । કેરી રસ રૂડી રોટલી,જમતાં૦ ।।૮।।
પુડલા ને પૂરણપોળી,જમતાં૦ । રેવડી પકોડી બોળી,જમતાં૦ ।।
ગુલાબ ટોપરાંના પાક,જમતાં૦ । જલેબી ને સુંદર શાક,જમતાં૦ ।।૯।।
જાર બાજરી બાવટ પોળી,જમતાં૦ । ઘીમાં ઘઉંની ઝબોળી,જમતાં૦ ।।
મઠ જવના રોટલા,જમતાં૦ । ચિણા ચણાના બહુ ભલા,જમતાં૦ ।।૧૦।।
સુગંધી ભાત ને ખીચડી,જમતા૦ । કોદરી કાંગવું ને કડી,જમતાં૦ ।।
જાર બાજરાનું ધાન,જમતા૦ । સામો બંટીનું નિદાન,જમતાં૦ ।।૧૧।।
રોટલી ને ગળવાણું,જમતાં૦ । અવલપાક આંબલવાણું,જમતાં૦ ।।
રાતાં મરચાં ને રોટલા,જમતાં૦ । મગ ચણાના પુડલા,જમતાં૦ ।।૧૨।।
અડદ મગ ચણાની દાળ,જમતાં૦ । તુવેર મેસુરની દયાળ,જમતાં૦ ।।
વાલ મઠ ને વટાણા,જમતાં૦ । કાજુ કળથી ચોળા દાણા,જમતાં૦ ।।૧૩।।
વૃંતાક વાલોળ વળી,જમતાં૦ । સારા સૂરણ ઘીમાં તળી,જમતાં૦ ।।
સારા શક્કરિયાનાં શાક,જમતાં૦ । વઘાર્યા હાથે શું વૃંતાક,જમતાં૦ ।।૧૪।।
રુડાં રતાળું પતાળું,જમતાં૦ । પરવર પાપડી દયાળું,જમતાં૦ ।।
કેરાં કારેલાં કંકોડા,જમતાં૦ । કોળા ચીકણ ને ચીભડાં,જમતાં૦ ।।૧૫।।
ગલકાં ગવાર ને ઘીસોડા,જમતાં૦ । શાક સાંગરીયોનાં રૂડા,જમતાં૦ ।।
ભીંડાફળી વળી ડોડા,જમતાં૦ । ચોળાફળી ને ચીચોડા,જમતાં૦ ।।૧૬।।
નઇ દુધિયાં ને ટીંડોરા,જમતાં૦ । કાજુ કરેલ તે કોરા,જમતાં૦ ।।
ભરથ ભર્યા ઘણા ઘીનાં,જમતા૦ । રુડાં રાઇતાં રાઇનાં,જમતાં૦ ।।૧૭।।
કોમળ કુબી ને કોચલાં,જમતાં૦ । શાક એક એકથી ભલાં,જમતાં૦ ।।
તાજાં તરબુચ પંડોળા,જમતાં૦ । શાક સારા સુંદર બોજાળા,જમતાં૦ ।।૧૮।।
રસે ભર્યા રુડાં કહિયે,જમતાં૦ । સીમા શાક તણી ન લહિયે,જમતાં૦ ।।
ભર્યા હળદર હવેજે,જમતાં૦ । વળી બહુ મસાલે બીજે,જમતાં૦ ।।૧૯।।
ટાંકા તાંદળિયાની ભાજી,જમતાં૦ । સારા સુવા તલવણી તાજી,જમતાં૦।।
મેથી મોરણની પણ સારી,જમતાં૦ । ભીંડા ડોડીની વઘારી,જમતાં૦ ।।૨૦।।
મૂળા કરલીની પણ કરી,જમતાં૦ । વળી મીઠું ને મોગરી,જમતાં૦ ।।
લંુણી ચીલ ને ચણેચી,જમતાં૦ । જમે પોતે આપે વેંજાચી,જમતાં૦ ।।૨૧।।
ભાજી તાજી રાઇ સારી,જમતાં૦ । ઘણે ઘી જીરે વઘારી,જમતાં૦ ।।
અજમો પોઇ પત્રવેલા,જમતાં૦ । ભજીયા અળવીનાં કરેલા,જમતાં૦ ।।૨૨।।
કોળા વૃતાંક ને આદુ,જમતાં૦ । ભજીયા રતાળુનાં સ્વાદુ,જમતાં૦ ।।
ભયાર્ં હવેજે ભજીયા,જમતાં૦ । કંઇ કહ્યા મેં કંઇ રહ્યા,જમતાં૦ ।।૨૩।।
ફાફડા ને વડાં વડી,જમતાં૦ । કળી ગાંઠીયા ફૂલવડી,જમતાં૦ ।।
પાપડ અડદ ને મગના,જમતાં૦ । ઝીણા લોટની સગના,જમતાં૦ ।।૨૪।।
જાર બાજરાના સારા,જમતાં૦ । જમતાં પાપડ લાગે પ્યારા,જમતાં૦ ।।
માસુખ મઠનાં મઠિયાં,જમતાં૦ । લાગે ફરસાં ન જાય કહ્યાં,જમતાં૦ ।।૨૫।।
ચણા વાલના લીલવા,જમતાં૦ । પય સાકર ને પુંવા,જમતાં૦ ।।
વળી અવલ જો અથાણાં,જમતાં૦ । ધર્યા વાટકામાં ઘણાં,જમતાં૦ ।।૨૬।।
કેરી રાયતી રુપાળી,જમતાં૦ । બીજી બોળેલ રસાળી,જમતાં૦ ।।
લિંબુ બિલિના બનાવ્યાં,જમતાં૦ । લીલી હળદીનાં મન ભાવ્યાં,જમતાં૦ ।।૨૭।।
કેરાં કરપટાં કર્મદાં,જમતાં૦ । ગરમર વાંસનાં રાઇજાદાં,જમતાં૦ ।।
આરિયાં આમળાં ને આદુ,જમતાં૦ । ખરાં ખારેકનાં સ્વાદુ,જમતાં૦ ।।૨૮।।
મરચાં ગુંદાં ને સેલરા,જમતાં૦ । કાજુ મૂળ કંદ કેરાં,જમતાં૦ ।।
વૃંતાક પતાળુનાં વળી,જમતાં૦ । બાવળ ગુવારની ફળી,જમતાં૦ ।।૨૯।।
કોઠીંબાની જે કાચલિયો,જમતાં૦ । બીજી હળદિ તેલે ભરિયો,જમતાં૦ ।।
લીંબુ રસ રુડા નાંખી,જમતાં૦ । સુંદર સારી આગે રાખી,જમતાં૦ ।।૩૦।।
આંબુવાનાં જે અથાણાં,જમતાં૦ । બોળ્યાં સરસિયામાં ઘણાં,જમતાં૦ ।।
મૂળ સર્ગવાનાં સ્વાદે,જમતાં૦ । ઉત્તમ અથાણાં એ આદે,જમતાં૦ ।।૩૧।।
મેથી લવિંગ ને મરિયાં,જમતાં૦ । લિંબુ ખારેકમાં ભરિયાં,જમતાં૦ ।।
મીઠું હળદર ને ધાણા,જમતાં૦ । ભેળાં આથેલ અથાણાં,જમતાં૦ ।।૩૨।।
આથ્યાં અદ્રક ને કટેરાં,જમતાં૦ । વળી ચટણી વેરમવેરા,જમતાં૦ ।।
એવાં અથાણાં અનેક,જમતાં૦ । વિધવિધના વિષેક,જમતાં૦ ।।૩૩।।
કુર કરમલડો કરિયાં,જમતાં૦ । તલસાંકળી જાજરીયાં,જમતાં૦ ।।
ઘૃત દુધ દહીંની તર,જમતાં૦ । શ્વેત ભાત ને સાકર,જમતાં૦ ।।૩૪।।
સાકર રાબ સાકર પાણી,જમતાં૦ । મગજળ ઘી તીખાં વખાણી,જમતાં૦ ।।
લીંબુરસ મરિયાં વારિ,જમતાં૦ । સાંઠા શેરડિયો પણ સારી,જમતાં૦ ।।૩૫।।
ઉભા દર્શન કરવા દાસ,જમતાં૦ । આપ્યા મહાસુખ મુખવાસ,જમતાં૦ ।।
લાવ્યા લવિંગ સોપારી,જમતાં૦ । જાયફળ એલચી સારી,જમતાં૦ ।।૩૬।।
કાથો ચૂનો પાકાં પાન,જમતાં૦ । બીડી સમારી સમાન,જમતાં૦ ।।
સુવા સુંઠ્ય ને સંચળ,જમતાં૦ । મરી અજમો જે અવલ,જમતાં૦ ।।૩૭।।
બુંદ આદુ ને વરીયાળી,જમતાં૦ । તજ જાવંત્રી તમાલી,જમતાં૦ ।।
આપ્યા મુખેથી મુખવાસ,જમતાં૦ । પામ્યા તંબોળ તે દાસ,જમતાં૦ ।।૩૮।।
પછી આણ્યાં સુંદર ફળ,જમતાં૦ । અતિ સ્વાદુ ને નિર્મળ,જમતાં૦ ।।
લાવી દાસે પાસે ધરિયાં,જમતાં૦ । રુડાં રૂપાળાં રસભરિયાં,જમતાં૦ ।।૩૯।।
જાંબુ લિંબુ પાકી કેરી,જમતાં૦ । સારાં કેળા જે સોનેરી,જમતાં૦ ।।
દેખી દાડમ બેદાણે,જમતાં૦ । સ્વાદુ સીતાફળ વખાણે,જમતાં૦ ।।૪૦।।
જામફળ જોયા જેવાં,જમતાં૦ । રામફળ પણ એવા,જમતાં૦ ।।
રાણ્યો સુડિયાં ને બોર,જમતાં૦ । સારાં જમે ધર્મકિશોર,જમતાં૦ ।।૪૧।।
પિલું શેતુ તરસાળું,જમતાં૦ । બીલાં નારંગી દયાળુ,જમતાં૦ ।।
ડોડાં અંજીર અનુપ,જમતાં૦ । ખારેક ખજુર રસરૂપ,જમતાં૦ ।।૪૨।।
ટોપરાં ને કાજુકળિયા,જમતાં૦ । દ્રાક્ષ નીલવા જે ગળિયા,જમતાં૦ ।।
રુડાં બદામ સિંગોડા,જમતાં૦ । મગ ચારોળી જે રુડાં,જમતાં૦ ।।૪૩।।
કમળનાળ કુંણા જોઇ,જમતાં૦ । ગુલાબ ગુલસુબા ફુલ સોઇ,જમતાં૦ ।।
શ્રૃંગીવિષતરુનાં પાન,જમતાં૦ । જેઠીમધ ડોડી નિદાન,જમતાં૦ ।।૪૪।।
ચણેચી ચીભડાં ને ચોળા,જમતાં૦ । રાઇ મોગરી ને મૂળા,જમતાં૦ ।।
મેથી મૂળાની ડાંડલીયો,જમતાં૦ । કુંણિ નર્મ કાજું ભલિયો,જમતાં૦ ।।૪૫।।
મીઠું મરી જીરૂં તાજું,જમતાં૦ । જમે કાકડીયો જોઇ કાજું,જમતાં૦ ।।
દાળ દાળિયા ને મમરા,જમતાં૦ । ધાણિ બાજરી તલ ખરા,જમતાં૦ ।।૪૬।।
પોંક બાજરા ઘઉંનો,જમતાં૦ । ચણા ગુદલીનો ઉનો,જમતાં૦ ।।
મકાઇ ને બહુ મેવા,જમતાં૦ । પ્રદેશી મગ ચણા કેવા,જમતાં૦ ।।૪૭।।
કાજુ કરા ટાઢા હીમ,જમતાં૦ । કોમળ નિર્મળ લૈલિમ,જમતાં૦ ।।
પાકાં ચીભડાં રસાળું,જમતાં૦ । પાકી આંબલી દયાળું,જમતાં૦ ।।૪૮।।
ફણસ બીજોરાંના કળિયા,જમતાં૦ । લાગે અન્નાસના ગળિયા,જમતાં૦ ।।
ગુંદાં કર્મદાં ટીબરવાં,જમતાં૦ । પીપરમધ કોઠાં ને મરવા,જમતાં૦ ।।૪૯।।
મીંઢી આવળ મરચાં રાતાં,જમતાં૦ । કઠણ બહુ કસ્તુરી ખાતાં,જમતાં૦ ।।
થેગ કંદ ચંદ પોળી,જમતાં૦ । જાય નિષ્કુળાનંદ ઘોળી,જમતાં૦ ।।૫૦।।
ઇતિ શ્રી હરિસ્મૃતિ મધ્યે દ્વિતીય ચિંતામણિઃ ।।ર।।
